Ina survista da nossas purschidas

Assistenza ambulanta, parzialmain staziunara u staziunara dad in maun garantescha a moda optimala ina terapia cumplessiva cun scolaziun integrada drizzada individualmain ad uffants e giuvenils. 
Per l’ospital d’uffants da l’Ospital chantunal dal Grischun ed ils Servetschs psichiatrics dal Grischun (PDGR) stat a disposiziun in servetsch consiliar ed in servetsch da liaison. Ina diagnostica spezialisada, offertas da prevenziun e lavurs d’expertisa per assicuranzas, autoritads e giustia cumpletteschan la purschida.

Ambulatori e posts regiunals

Dal poppin fin al giuven creschì èn las purschidas ambulantas il post da consultaziun per tut las singularitads dal cumportament ed ils problems dal stadi psichic. Ins po fixar termins a Cuira, Tavau, Glion, Samedan, Poschiavo, Roveredo, Scuol e Mustér.
Grazia a la diversitad linguistica dals collavuraturs vegnan ils discurs purschids en rumantsch, tudestg, talian, englais, tirc, portugais e spagnol.

Weitere Informationen: Ambulante Angebote

Scola speziala chasa da terapia Fürstenwald

13 plazs d’internat e 13 plazs d’externat per uffants e giuvenils obligads dad ir a scola che vegnan assegnads dal servetsch psicologic da scola, perquai ch’els na pon per motivs psichics per il mument betg frequentar ina scola publica. La finamira da la dimora è da puspè pudair integrar las scolaras ed ils scolars en la scola publica. Dimoras pli curtas, lavur terapeutica (da famiglia) intensiva ed ina stretga collavuraziun quotidiana tranter pedagogs curativs, pedagogs socials, psicologs e medis spezialists distinguan la chasa da terapia dad autras scolas spezialas.

Weitere Informationen: Sonderschule THF

Staziun psichiatrica per giuvenils

Sis plazs staziunars per giuvenils da 12 fin 18 onns. Tractads vegnan tut ils sindroms psichiatrics da giuvenils. Per la dimora è premessa ina voluntariadad suffizienta.

Weitere Informationen: Jugendstation

Servetsch consiliar e servetsch da liaison

Sch’ina persuna minorenna d’almain 14 onns basegna en consequenza da periclitaziun da sasezza u dad auters in plazzament immediat en in rom protegì u sch’ella è pli giuvna che dudesch onns, vegn ella actualmain recepida en ils PDGR u en l’ospital d’uffants da l’Ospital chantunal dal Grischun. Là vegn ella en tutta cas era tractada da medis spezialisads da la Psichiatria per uffants e giuvenils dal Grischun.

Weitere Informationen: K+L Dienst

Forensica e neuropsicologia

Nus faschain expertisas psichiatricas, psicologicas e neuropsicologicas per uffants e giuvenils per dretgiras, autoritads per la protecziun da l’uffant e da creschids, procuras per giuvenils, assicuranzas d’accidents e d’invaliditad ed autras autoritads. Spezialists renconuschids per psicologia forensica e neuropsicologia garanteschan la qualitad appreziada sur ils cunfins regiunals ora.

Weitere Informationen: Spezialangebote